El sector turístico representa máis do 11% do PIB galego e xera o 12% do emprego da nosa comunidade

Un total de 20 alumnos conseguiron o certificado de profesionalidade para operacións básicas de cociña e de restaurante bar, dúas das ocupacións con maior índice de inserción laboral na comarca.

Un total de 20 alumnos conseguiron o certificado de profesionalidade para operacións básicas de cociña e de restaurante bar, dúas das ocupacións con maior índice de inserción laboral na comarca.

O conselleiro de Economía, Emprego e Industria, Francisco Conde, acompañado polo delegado territorial da Xunta en Pontevedra, José Manuel Cores Tourís, clausurou esta mañá o obradoiro de emprego Hostalería no Salnés VIII. No acto o conselleiro puxo en valor a importancia de impulsar planes formativos, como é o caso deste obradoiro, que permitan mellorar a calidade dos servizos no sector turístico que representa máis do 11% do PIB galego e que xera o 12% do emprego da nosa comunidade.

Grazas a este obradoiro, 20 alumnos da zona en situación de desemprego, adquiriron nos últimos 6 meses formación para operacións básicas de cociña e de restaurante bar e obtiveron o certificado de profesionalidade correspondente. Tal e como sinalou o conselleiro o obxectivo desta iniciativa é mellorar a empregabilidade e ocupabilidade dos veciños naquelas áreas que teñen unha maior demanda. Neste caso, o turismo e a hostalería, xa que esta última xera case o 30% do emprego na comarca do Salnés e, en 2016, entre as ocupacións con maior índice de inserción laboral estiveron a de camareiros asalariados, axudantes de cociña e cociñeiros asalariados.

Este obradoiro enmárcase na Axenda 20 para o emprego coa que se pretende crear máis de 80.000 postos de traballo nos próximos 4 anos con iniciativas como esta que ofrece ao alumnado formación de calidade, acceso a un emprego con contrato, a realización de obras e servizos para a comunidade ao tempo que se fomenta a colaboración institucional. En concreto, o obradoiro de emprego Hostalería no Salnés permitiu promover o turismo gastronómico da zona e a difusión da súa cociña, así como a elaboración de pratos para o comedor social de Cáritas.

Conde lembrou que a nova convocatoria de axudas para a realización de obradoiros de emprego está aberta ata o vindeiro 3 de abril. En 2017 esta actuación destina 20,5 millóns de euros, o que supón un incremento do 50% con respecto á edición anterior, para chegar a 1.600 persoas. Entre as novidades da convocatoria deste ano está, precisamente, a especial valoración da relación entre a iniciativa e o tecido empresarial da zona onde teña lugar. Tamén se ampliará a súa duración ata os 9 meses, os concellos resultantes de fusións contarán con maior puntuación, primaranse proxectos relacionados coa Industria 4.0 e cos sectores estratéxicos e terán preferencia as persoas e colectivos que máis o precisen.

Por outra banda, explicou que a fixación de poboación no rural é un dos principais obxectivos do Goberno galego, xa sexa a través deste tipo de obradoiros ou doutras iniciativas, como o Programa específico de formación e emprendemento no rural, no que se investirán 30 millóns de euros para chegar a 13.000 persoas, que se beneficiarán dun total de 10 medidas adaptadas ás necesidades destas zonas.

Print Friendly
Me gusta
Me gusta Me encanta Me divierte Me asombra Me entristece Me enfada