Nava Castro salienta o papel da investigación e divulgación ao redor do Camiño de Santiago para fortalecer as súas raíces

A directora de Turismo asistiu á apertura das X Leccións Xacobeas Internacionais na USC, nas que especialistas de todo o mundo expoñen os seus últimos estudios.

A directora de Turismo asistiu á apertura das X Leccións Xacobeas Internacionais na USC, nas que especialistas de todo o mundo expoñen os seus últimos estudios.

A directora de Turismo, Nava Castro, participou hoxe na inauguración das X Leccións Xacobeas Internacionais organizadas pola Universidade de Santiago. Na súa intervención, Nava Castro afondou na importancia que a investigación en torno ao Camiño de Santiago ten “para fortalecer as raíces da peregrinaxe e mirar con garantías ao futuro”. Por iso, felicitou aos directores destas xornadas que, ao longo de catro días, reúne na capital galega a especialistas nesta materia de diferentes países.

Nava Castro salientou a relevancia de promover estes estudos desde a meta do Camiño de Santiago, motivo polo que Turismo de Galicia, en colaboración con outras institucións, está a impulsar a Cátedra do Camiño de Santiago e as Peregrinacións, como fonte para difundir e xerar novos contidos e aglutinar os avances realizados neste sentido no eido académico.

“As Leccións Xacobeas Internacionais na USC, gracias á súa vontade de perseveranza, constitúen una cita imprescindible cada verán coa investigación e a divulgación do Camiño de Santiago”, afirmou a directora de Turismo, que puxo en valor a diversidade de enfoques e temas abordados ao longo desta década, cun abano de disciplinas que van desde a arte, a historia e a literatura, aos ritos, a música, a gastronomía, a liturxia ou a hospitalidade.

30 ANOS

Precisamente as xornadas que comezaron hoxe, que se desenvolven no auditorio do Museo das Peregrinacións e de Santiago, xiran en torno aos trinta anos de declaración do Camiño de Santiago como Primeiro Itinerario Cultural Europeo. A efeméride se celebrará no mes de outubro e Turismo de Galicia está a traballar nunha programación especial “para afondar no seu legado cultural, que tanto nos enriquece”, destacou a directora de Turismo.

Nava Castro lembrou que o fomento da investigación xacobea representa unha das liñas estratéxicas do Plan director do Camiño de Santiago, do que xa se executou ao redor dun 60% do seu investimento, que ascende a 56 millóns de euros. Gracias á súa aplicación están a obterse melloras en eidos como a recuperación e construción de infraestruturas, a sinalización, o mantemento, a sustentabilidade medioambiental ou a accesibilidade.

Neste último apartado está xa en marcha o Plan de accesibilidade turística de Galicia e do Camiño de Santiago, presentado a semana pasada e que quere “favorecer que as persoas con diversidade funcional podan vivir tamén esta experiencia en igualdade de condicións”.

Print Friendly
Me gusta
Me gusta Me encanta Me divierte Me asombra Me entristece Me enfada