En colaboración coa Sociedad Filarmónica de Vigo

A Orquesta Sinfónica de Galicia estreará en España a obra Concerto para violín de K. Saariaho

Jennifer Koh.

Jennifer Koh.

A Orquesta Sinfónica de Galicia ofrecerá o segundo concerto da Tempada de Música Clásica de Afundación, a Obra Social de ABANCA, no Teatro Afundación de Vigo (Policarpo Sanz, 13). O recital, en colaboración coa Sociedad Filarmónica de Vigo, será o vindeiro 18 de xaneiro, ás 20.30 h, e a agrupación contará coa dirección de Dennis Russel Davies e o violín de Jennifer Koh.

Comezarán interpretando a Suite de danzas, Sz. 77 de B. Bartók; estrearán en España a obra Concerto para violín de K. Saariaho; e pecharán o concerto coa Sinfonía n.º 86 en re maior de F. J. Haydn.

 

A ORQUESTA SINFÓNICA DE GALICIA

Creada en 1992 polo Concello da Coruña, e con sede no seu Palacio de la Ópera, a Orquesta Sinfónica de Galicia (OSG) é unha das agrupacións orquestrais de maior proxección en España. A formación foi orquestra residente do Festival Rossini de Pésaro de 2003 a 2005 e do Festival Mozart da Coruña desde a súa creación, no 1998. Ademais, realizou varias xiras por Alemaña e Austria e ofreceu concertos nas mellores salas de concertos españolas.

 

Print Friendly, PDF & Email
Me gusta
Me gusta Me encanta Me divierte Me asombra Me entristece Me enfada